又Update一下
關於《畢明推介清酒精選套裝》
所有曾經買過而希望再次購買，並於指定時間之內，寄來了資料確認的，約有90位朋友，均已全部獲得通知，並已逐一在指定時間之內完成交易。謝謝。(未完成交易的，請留意優先deadline，咪話唔通知。）
如有任何合資格而未獲通知者，請從速電郵japansake@protonmail.com 聯絡跟進。（又或者check吓你個Spam folder，你們的emails，有些也是從spam撈回來的)
凡未能在指定時間內傳來資料、或完成購買的（梗係有呢啲人啦），優先資格逾期作廢。（有幾個遲少少我都照招待，遲太多真係招呼唔到了）
如果仍然想買，可密切留意公開發售日期及時間，在當日先買先得。
做這單嘢，是我人生中其中一樣最笨最煩最花時間的事，但我心安理得。
有朋友問，點解仲要分兩個價，點解唔加價。
好簡單，之前能夠做升級會員、尤其成為VIP的，是特別commit、課了extra 金，困難中加倍襄助🍎的人，我認為他們今次應至少能夠以同樣優惠價購買，才叫公道。
非升級會員，自然keep番之前的非會員價，上次俾幾多，今次一樣，亦都公道。
不過都有朋友唔守規舉，上次買咗＄1940的，今次見到＄1780有貨，跳咗過去買。講真，唔係見唔到，但＄160蚊，係咪要DQ定black list 你，我算數，但何必呢？
亂世，只想出綿力渴望有少少公道。
多謝所有依指示依時完全交易的，人手非常有限，多謝見諒，多謝合作。
亂世，用加倍嘅力，求公道，本來就係又笨又煩又花時間的事。
點解仲做？
我屋企有這幅畢加索的名作：Don Quixote。（唔通真跡咩）
一個執迷去打風車的人。
知其不可為，依然為之。
做，好過齋講。
#多謝合作
#請留意公開發售日期
#我Patreon的VIP之後到大家
Search